GIGANTPROSJEKT: Nussir ASA råder over kobberfunn av internasjonale dimensjoner i Repparfjorden Kvalsund. Arkivfoto. Men hva mener Arbeiderpartiet om utslipp av gruveavfall i denne og andre norske fjorder? spør Naturvernforbundet. Foto: Finnmark Dagblad

Hva mener du, Jonas Gahr Støre: Fisk eller gruveavfall?

I sommar utfordra vi Jonas Gahr Støre til å ta ansvar for eit friskt hav, og stanse dumping av gruveavfall i norske fjordar dersom Arbeidarpartiet får regjering i 2017.  Utgangspunktet var at Støre på arrangement i Trondheim uttalte at han ville bli ”havets statsminister”.

Eit grunnleggjande vilkår for å kunne vidareføre og utvikle Noregs tusenårige historie med å hauste frå havet som ein økonomisk berebjelke for landet, er å halda havet friskt og artsrikt, og i det arbeidet er det viktig at Noreg stiller seg i spissen.  Dessverre er havet sterkt truga av forureining av mange slag, men alt for lite blir gjort, og forskar Stein Erik Sørstrøm i Sintef er pessimistisk når det gjeld det internasjonale arbeidet: «Med tilsvarende tempo som på klimaområdet, kan vi forvente effektive, verdensomspennende tiltak mot havforurensning tidligst en gang mellom 2030 og 2050.»

Hausten 2016 tok IUCN, verdas naturvernunion, eit viktig steg i arbeidet for å stanse forureining av havet, då IUCNs verdskongress i eit nesten samstemt vedtak bad alle verdas land om å stanse dumping av gruveavfall i sjø.  Noreg og Tyrkia var dei einaste landa på kongressen som røysta mot vedtaket. I tillegg til Chile, Indonesia og Papua New Guinea er Noreg og Tyrkia einaste landa som enno ikkje har stansa dumping av gruveavfall i sjø, og vi vil hevde at Noreg aldri vil få truverde til å kunne bli ein internasjonal pådrivar i arbeidet for å halda havet friskt og artsrikt så lenge dumpinga av gruveavfall i norske fjordar får halda fram.

Vi utfordra Støre på dette i juni 2016, men har så langt ikkje fått svar. Vi spør difor på nytt, for å få dette viktige spørsmålet avklart for veljarane før stortingsvalet 2017: Vil Arbeiderpartiet i regjering lytte til vedtaket i IUCN, og sette i verk tiltak for å stanse dumping av gruveavfall i norske fjordar?

Lik Nordnorsk Debatt på Facebook

Her er du velkommen til å debattere saken videre. Men tenk gjennom hvordan du vil framstå og hvilke uttrykk du bruker. En liten huskeregel: Ikke skriv noe som du ikke kunne ha ropt ut på torget med mange tilhørere. Du må bruke fullt navn - falske profiler blir utestengt. Hold deg til saken, vis respekt og stor raushet overfor andre. Trakassering, trusler og hatske meldinger slettes.

Med vennlig hilsen Guttorm Pedersen, debattredigerer